Lawrence Dimech reports in Australia for 'L-Orrizont' and 'Ahbarijiet mill-Awstralja' about last month's MRL Training Day at Centrebet Stadium, Penrith.

Inkompli bl-isports u Anthony Micallef tal-Malta Rugby League (MRL) li ilu joqgħod f’Malta mis-sena 2008 qalilna li kien lura fl-Awstralja u organizza ġurnata ta’ taħriġ għal dawk li jridu jilgħabu dan l- isports u sab 21 plejer ġdid bejn l-etajiet ta’ 14 u 20 sena.

It-taħriġ sar fil-grawd Centrebet tal-Penrith Panthers minn Anthony Micallef, minn Danny Galea tal- Penrith Panthers u Maltin ta’ fama internazzjonali, Matt Frendo u Matt Mizzi. Dan il-jum ta’ taħriġ jidher li kien suċċess għax kien hemm rappreżentanza minn plejers minn Parramatta Eels, Penrith Panthers u Canberra Raiders.

Matt Frendo li qiegħed jilgħab f’Sydney u Matt Mizzi li qiegħed jilgħab f’Lithgow qalu li l-ikbar esperjenza li qatt kellhom fil-karriera tagħhom kienet meta rrappreżentaw lil Malta u lagħbu f’Malta stess.

2012-05-14, 14:03